【19DSE最後的話】
今日係Group入面同大家講左好多做卷既細節位，都係大家平時易犯既錯誤同會忽略既位，臨急抱下佛腳好過望天打坐乜都唔做，希望大家吸收到。
.
經歷過上一批既學生之後，我希望我係呢一年入面有用到一個更好既方法、更有系統既教學模式、更詳盡既教材，從而灌輸到更多既知識比你地，令你地對考體育科呢科更有信心。
.
中學時就成日聽一句：「師者，所以傳道、授業、解惑也。」雖然我未必每一方面都做得好好，但都希望你地係我課堂內或外，言語之間拎到一啲野走。我都知自己好煩，成日上堂逼你地聽我講耶穌；又惡，成日駡你地唔溫書唔交功課；講書又屎，成日講講下書走音又讀唔正啲音。但你地都無話上完一期就嫌棄我唔再上，個個都由第一期跟到我最後一期，老實講都真係好感動。
.
雖然你地成日上我堂又遲到要我等、又串我、又囂我張。但希望你地聽日會準時到考場，考完可以串你班Fd話你無一題唔識，然後筆試攞埋九成分以上考得高分過我囂我張！等你地喜訊！💪🏻💪🏻💪🏻
.
#PEEducation #RexMa #體育最強 #體育 #補習 #全港唯一體育專科補習 #19DSE最後的話 #等你地囂我張 #最後一關 #19DSE
Search